GBIME

कोरोना प्रभाव : बेलायतको अर्थतन्त्र नोभेम्बरमा २.६ प्रतिशतले खुम्चियो


बिजखबर संवाददाता
15 January, 2021 4:16 pm

https___specials-images.forbesimg.com_imageserve_1128683153_0x0

काठमाडौं । बेलायतको अर्थतन्त्र गत नोभेम्बर महिनामा २ दशमलव ६ प्रतिशतले खुम्चिएको सरकारले शुक्रबार सार्वजनिक गरेको तथ्यांकमा उल्लेख छ । कोरोनाभाइरसको दोस्रो लहर फैलिएपछि लकडाउन र कडा प्रतिबन्ध गरेको बेलायतमा अर्थतन्त्रमाथि नकारात्मक असर परेको हो ।

NLIC
LAXMI

बेलायती तथ्यांक कार्यालयले सार्वजनिक गरेको विज्ञप्तिमा देशको कूल गार्हस्थ्य उत्पादनमा व्यापक गिरावट आएर अघिल्लो महिनाको भन्दा शुन्य दशमलव ६ प्रतिशतले कमी आएको जनाइएको छ ।

प्राप्त विवरण अनुसार बेलायती अर्थतन्त्रको आकार गत वर्ष सन् २०२० को फेब्रुअरीको तुलनामा ८ दशमलव ५ प्रतिशतले सानो भएको छ ।

कार्यालयले लगातार ६ महिनादेखि सामान्य वृद्धि देखिए पनि नोभेम्बर २०२० मा कूल गार्हस्थ्य उत्पादन २ दशमलव ६ प्रतिशतले घटेको जनाएको छ । नोभेम्बर महिनामा संयुक्त अधिराज्यका सबै चार देश बेलायत, वेल्स, स्कटल्यान्ड र उत्तरी आयरल्यान्डमा लकडाउन र प्रतिबन्धहरु घोषणा गरिएका थिए ।

बेलायतले अघिल्लो वर्ष मार्चदेखि जुनसम्म लगाएझैं यसै महिना (जनवरी) को शुरुमा पनि कडा लकडाउन घोषणा गरेको थियो । रासस/एपी

प्रतिक्रिया दिनुहोस्

CIVIL
NCHL