काठमाडौं । गत जनवरीमा डोनाल्ड ट्रम्प राष्ट्रपति बनेपछि अमेरिकाबाट भारतीयहरूको निर्वासनमा ठूलो उछाल आएको छ ।
यसअघि जो बाइडेनको कार्यकालको तथ्यांकलाई हेर्दा यो संख्या दोब्बरभन्दा बढी छ । सन् २०२० देखि डिसेम्बर २०२४ को बीचमा दैनिक ३ जनाको तुलनामा यस वर्ष औसतमा दैनिक कम्तीमा ८ जना भारतीयलाई देश निकाला गरिएको छ।
भारतीय बिदेश मन्त्रालयको मन्त्रालयको तथ्यांकअनुसार जनवरी २०२० देखी जुलाई २०२५ बीचको साढे पाँच वर्षमा ७ हजार २४४ भारतीयहरूलाई विभिन्न कारणले निर्वासित गरिएको छ । ती मध्ये लगभग एक चौथाई अर्थात १ हजार ७०३ ट्रम्पले दोस्रो पटक पदभार ग्रहण गरेपछि फिर्ता पठाइएको छ ।
ट्रम्प प्रशासनले २०२५ को शुरुवातमा अध्यागमन नीतिलाई कडा पारेको थियो। विदेश विभागले भन्यो, ‘हामी निरन्तर भिसा धारकहरूलाई जाँच गर्छौं कि उनीहरूले सबै अमेरिकी कानून र अध्यागमन नियमहरू पालना गरिरहेका छन्। यदि तिनीहरूले त्यसो गर्दैनन् भने हामी तिनीहरूको भिसा रद्द गर्नेछौं र तिनीहरूलाई देश निकाला गर्नेछौं।”
परराष्ट्र मन्त्रालयका अनुसार यस वर्ष देश निकाला भएका एक हजार ७०३ जनामध्ये ८ सय ६४ जना चार्टर र सैन्य उडानमार्फत फर्किएका छन् । यूएस भन्सार र सीमा सुरक्षा (सैन्य उडान) ले फेब्रुअरी ५, १५ र १६ मा ३३३ भारतीयलाई देश निकाला गरेको थियो।
यूएस अध्यागमन र भन्सार प्रवर्तन (आईसीई) ले मार्च १९, जुन ८ र जुन २५ मा चार्टर उडानहरू मार्फत कुल २३१ व्यक्तिहरूलाई निर्वासित गर्यो। डिपार्टमेन्ट अफ होमल्याण्ड सेक्युरिटीले पनि जुलाई ५ र १८ मा ३०० जनालाई चार्टरमार्फत भारत फिर्ता पठाएको थियो।
थप रूपमा ७ सय ४७ भारतीयहरूलाई व्यावसायिक उडानहरू मार्फत स्वदेश फर्काइएको थियो। सोही अवधिमा पनामाबाट ७२ जना फर्किएका छन् ।
यदि राज्य अनुसार हेर्ने हो भने पञ्जाबका सबैभन्दा बढी अर्थात ६२० जनालाई देश निकाला गरिएको थियो। यसपछि हरियाणाका ६०४, गुजरातका २४५, उत्तर प्रदेशका ३८, गोवाका २६, महाराष्ट्र र दिल्लीका २०-२०, तेलंगानाका १९, तमिलनाडुका १७, आन्ध्र प्रदेश र उत्तराखण्डका १२ र कर्नाटकका ५ जनालाई फिर्ता पठाइएको थियो ।
