काठमाडौं । एनआईसी एशिया बैंक र र्याडिसन होटलबीच सम्झौता भएको छ । बैंकका ग्राहकहरुलाई र्याडिसन होटलमा विशेष छुट उपलब्ध गराउने सम्बन्धमा होटल र बैंकबीच सम्झौता सम्पन्न भएको हो । उक्त समझदारीसँगै बैंकका ग्राहकहरुले काठमाडौंमा रहेको र्याडिसन होटलमा सेवा लिई डिजिटल भुक्तानी गर्दा २० प्रतिशतसम्म छुट प्राप्त गर्न सक्नेछन् ।
बैंकका ग्राहकहरुले उक्त होटलमा सेवा लिँदा खाना तथा पेय पदार्थ तथा फिटनेस सेन्टर (जीम)मा २० प्रतिशत छुटको सुविधा प्राप्त गर्न सक्नेछन् भने एयरपोर्ट लाउन्ज र रेस्टुरेन्ट, पेस्ट्री सप र ट्रान्क्वीलिटी स्पामा १५ प्रतिशतको छुट उपभोग गर्न सक्नेछन् ।
उक्त सुविधाको उपभोग गर्न ग्राहकहरुले एनआइसी बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एपमार्फत भुक्तानी गर्नुपर्ने छ ।
