काठमाडौं । नेपाल धितोपत्र बोर्ड (सेबोन)ले नबिल बैंक लिमिटेडलाई ऋणपत्र निष्काशनका लागि अनुमति प्रदान गरेको छ । बोर्डले बैंकलाई असार १२ गते ‘७% नबिल डिबेन्चर २०८९’ निष्काशन गर्नका लागि अनुमति प्रदान गरेको हो ।
सेबोनले बैंकलाई १ हजार रूपैयाँ अंकित दरका ३ अर्ब रुपैयाँबराबरको ३० लाख कित्ता ऋणपत्र निष्काशनको अनुमति दिएको हो । जसमध्ये १८ लाख कित्ता व्यक्तिगत तवरबाट र १२ लाख कित्ता सार्वजनिक निष्काशन मार्फत बाँडफाँट हुनेछ।
यो ८ वर्षे अवधिको ऋणपत्र हो भने यसमा ७ प्रतिशत ब्याजदर तोकिएको छ। क्रेडिट रेटिङ संस्थाले यसलाई इक्राएनपी–आईआर एप्लस रेटिङ दिएको छ। बैंकको निष्काशन तथा बिक्री प्रबन्धकमा नेपाल एसबिआई मर्चेण्ट बैंकिङ लिमिटेड रहेको छ।
