काठमाडौं । कोरोना भाइरस (कोभिड–१९) मा क्षयरोगको भ्याक्सिन बेकलिस क्यालमेट ग्युरिन (बिसिजी खोप) ले कोरोना विरुद्ध काम गरेको चर्चा लामो समयदेखि चल्दै आएको छ । यसैक्रममा हालै गरिएका धेरै अनुसन्धानहरुमा क्षयरोगको भ्याक्सिन बिसिजी खोप ले कोरोनाविरुद्ध प्रभावकारी रुपमा काम गरेको पाईएको छ ।
अनुसन्धाताहरुका अनुसार उक्त भ्याक्सिन लगाउने नीति भएका देशमा कोरोनाका कारण मृत्यु हुनेको संख्या कम छ । बिसीजीले कोरोनाका कारण निम्तिने विभिन्न बिरामीलाई कम गर्ने भएपनि यसले खासगरी रोग प्रतिरोधी क्षमता बढाउने काम गर्दछ ।
विश्व बैंकले बिसीजी खोपको प्रयोगलाई निरुत्साहीत बनाउनुपर्ने बताईरहेपनि विभिन्न अनुसन्धाताहरुले यसले कोरोनाविरुद्ध सहयोग गर्न सक्ने भन्दै अनुसन्धान गरिरहेका थिए । यस्तो बेलामा बैज्ञानिकहरुले बीसीजी भ्याक्सिनले कोरोना विरुद्ध ठुलो सहयोग पुग्ने बताईरहेका छन् ।
वैज्ञानिकहरुले विभिन्न समुदायजस्तै युरोपका विभिन्न देशमा बिसीजी खोपका कारण कोरोना संक्रमितको मृत्युसंख्या घटेको बताएका छन् । उक्त देशहरुमा मृत्युदर १० प्रतिशतभन्दा बढीले घटेको बताईएको छ । उनिहरुका अनुसार अमेरिकाका तुलनामा बीसीजी भ्याक्सिन प्रयोग गर्ने गरेका देशहरुका मानिसहरुको कोरोनाविरुद्ध प्रतिरोधि क्षमता बढी हुन्छ । सोहीअनुसार वृद्धहरुको पनि यसका कारण मृत्यु हुने दर कम हुन्छ ।
यस्तै अन्य केही अनुसन्धाताहरले पोलियो, दादुरा, रुबेलालगायतका खोपहरुले पनि विभिन्न रोग विरुद्धको काम गर्ने गरेको बताएका छन् । तर उनिहरुले क्लिनिकल ट्रायलमा प्रमाणीत भएको खोप मात्रै प्रयोगयोग्य हुने बताएका छन् । यसै सन्दर्भमा बिल मेलिन्डा गेट फाउन्डेसनले कोरोना विरुद्धको खोप निर्माणका लागि यसको क्लिनिकल ट्रायलका लागि मात्रै १ करोड डलर खर्चने घोषणा गरेको छ । जसमार्फत १० हजार स्वास्थ्य सेवामा कार्यरत कर्मचारीहरुले भाग लिनेछन् ।
तर अमेरिका तथा बेलायतकै विभिन्न विश्वविद्यालयहरुले कोरानाविरुद्धका लागि बीसीजी खोपको परीक्षण गर्ने बताएका छन् । हाल एशियाका धेरै देशहरुमा बिसीजी खोप लगाउने कार्यक्रम लागु गरिएको छ । तर अमेरिकामा भने छैन । अमेरिकामा क्षयरोगको प्रकोप कम भएकै कारण यसको निति छैन ।
तर अनुसन्धाताहरुले बीसीजी खोप लगाउने नीति नभएका देशमा कोरोनाले अझै सताउने बताउँदै आएका छन् । सिएनएनबाट अनुवाद
