काठमाडौं । शुक्रबार नेपाली बजारमा सुनको मूल्य हालसम्मकै उच्च विन्दुमा पुगेको छ । नेपाल सुनचाँदी व्यवसायी महासंघका अनुसार बिहीबारको तुलनामा ३ सय रुपैयाँले बढ्दै सुनको मूल्य आज उच्च विन्दुमा पुगेको हो ।
महासंघका अनुसार आज नेपाली बजारमा सुन प्रतितोला १ लाख ३९ हजार ३ सय रुपैयाँमा कारोबार भईरहेको छ । यसअघि गएको मंगलबारमात्रै नेपाली बजारमा सुन प्रतितोला १ लाख ३९ हजार २ सय रुपैयाँ पुगेको थियो ।
यस्तै आज चाँदीको मूल्य भने केहि ओरालो लागेको छ । महासंघका अनुसार बिहीबार प्रतितोला १७ सय २५ रुपैयाँमा कारोबार भईरहेको चाँदीको मूल्य आज घट्दै प्रतितोला १७ सय २० रुपैयाँमा पुगेको हो ।
