बिजखबर संवाददाता
२५ मंसिर, काठमाडौं । सरकारले सवारी दुर्घटना न्युनिकरण गर्न छट्टै कमिटि गठन गरेको छ । सरकारले समग्र यातायात क्षेत्र सुधार तथा दुर्घटना न्यूनिकरणका लागि समिति उक्त कमिटि गठन गरेको छ ।
मन्त्रिपरिषद्को बिहीबार बसेको बैठकले यातायात व्यवस्था मन्त्रालयका सचिव, नेपाल प्रहरीका एआइजी, कानून मन्त्रालयका सहसचिवसहितको समिति गठन गरेको हो ।
सरकारले चालक अनुमति पत्रको विद्यमान प्रावधानलाई पनि परिमार्जन गरी कडा बनाउने निर्णय गरेको छ ।
समितिलाई तत्काल कार्यान्वयन गर्नु पर्ने, सात दिनभित्र सुधार गर्नु पर्ने र १५ दिनभित्र दुर्घटना न्यूनिकरण तथा यातायात क्षेत्र सुधारका लागि दिर्घकालिन योजना समेटिएको प्रतिवेदन बुझाउने गरी तीन चरणमा काम गर्न जिम्मेवारी दिइएको छ ।
मन्त्रिपरिषद् बैठकले संस्कृतिविद् सत्यमोहन जोशीको उपचारको सम्पूर्ण खर्च व्यहोर्ने निर्णय गरेको छ । यस्तै, उखुलाई राष्ट्रिय बाली घोषणा गरकोे छ । यसैगरी बैठकले कृषि सामग्रीमा अमरराज खयर दुग्ध विकास संस्थानमा गंगा तिमिल्सिना, र राष्ट्रिय विउविजन विभागको महाप्रवन्धकमा धर्मराज अधिकारीलाई नियुक्त गरेको छ ।
