बिजखबर संबाददाता
२ बैशाख,काठमाडौं । बुधवार नेप्से परिसुचक ४ दशमलव २३ अंकले घटेको छ । सो दिन ९ सय ४८ अंकबाट खुलेको सेयर बजार ९ सय ४४ मा झरेर बन्द भएको हो ।
सो दिन कारोवारमा आएका मध्ये बीमा समुहको परिसुचक सवैभन्दा बढी ३९ दशमलव ७४ अंकले घटेको छ । त्यस्तै जलविद्युतको १७ दशमलव २,होटल समुहको ६ दशमलव ४,बैंकिङ समुहको ४ दशमलव ५४, विकास बैंकको २ दशमलव ९४ र फाइनान्स समुहको परिसुचक ० दशमलव ०६ अंकले ओरालो लागेको छ ।
यता अनय समुहको परिसुचक भने ४ दशमलव ६९ अंकले उकालो लागेको छ ।
नयाँ बर्षको दोश्रो दिन आज १ सय २४ कम्पनीको २ लाख ८५ हजार कित्ता सेयर किनबेचबाट ११करोड ७२ लाखको कारोवार भएको छ ।
