Logo

बैशाख २८ देखि नेपालमा वेल्ट एण्ड रोड रेस्लिङ प्रतियोगिता, नेपाल सहित ६ देशका खेलाडी सहभागी

बैशाख २८ देखि नेपालमा वेल्ट एण्ड रोड रेस्लिङ प्रतियोगिता, नेपाल सहित ६ देशका खेलाडी सहभागी



काठमाडौं । यहि बैंशाख २८ गतेदेखि नेपालमा एमकेडब्लु वेल्ट एण्ड रोड रेस्लिङ च्याम्पियनसिप हुने भएको छ । रिगं रेस्लिङ संघले डिस होमको सहकार्यमा उक्त खेलको आयोजना गर्न लागेको छ ।

बैशाख २८ गते त्रिपुरेश्वरस्थित कर्भडहलमा हुने सो प्रतियोगितामा ६ देशका टप रेस्लरहरुको सहभागीता हुनेछ । राष्ट्रिय खेलकुद परिषद्को विशेष सहयोग र एमकेडब्लु चीनको समन्वयनमा हुन लागेको यो प्रतियोगितामा नेपाल, चीन, अमेरिका, इग्ल्यान्ड, हङकङ, न्यूजिल्यान्डका खेलाडीहरुको सहभागीता रहेको छ ।

नेपालका चर्चित रेस्लर नुवाकोटे टाइगर, ठाकु, डेभिड, एक्स हिरो, साइन, चट्टान, दिलाशाले प्रतिस्पर्धा गर्ने छन् । त्यसैगरि अमेरिकाबाट एस सिल्भा, जेडा, जोम्बिइ ड्रागन र अंकल मनि छन् भने युकेका विग साम, चीनका बेम्बो क्रुसर, दा बाइ, ब्ल्याक माम्बा प्रतिस्पर्धा गर्ने छन् । त्यसैगरि हङकङका के सी, चियरम्यान एएल, मिचेल र न्यूजिल्यान्डका टोमी कम्ब्याट भिड्दैछन् ।

प्रतियोगितामा दुईवटा वेल्ट विजेता घोषणा गरिने छ । जसमा वेल्ट एण्ड रोड च्याम्पियन र वल्र्ड च्याम्पियनको वेल्ट प्रदान गरिने छ । प्रतियोगितामा एकल, ट्याग टिम, टु भर्सेस टु, वे कर्नर, रोपन एन्ड कर्नरका प्रतिस्पर्धाहरु गराइने छन् । प्रतियोगिताको आतिथ्य साझेदारमा सानेपाको होटल एल्लो दरबार रहेको छ ।

प्रतिक्रिया दिनुहोस्
MBL