काठमाडौं । साताको दोस्रो कारोबार दिन ‘मंगलबार’ पनि नेपाल स्टक एक्सचेन्ज (नेप्से) परिसुचकमा दोहोरो अंकको गिरावट आएको छ । कारोबार समयको सुरुवातदेखि उत्तारचढाव भईरहेको नेप्से आज अन्तिम समयमा दोहोरो अंकसहित घटेको हो ।
आज कुल ३ सय २३ कम्पनीका १ करोड ७६ लाख ७१ हजार बढी कित्ता सेयर किनबेच हुँदा कारोबार रकम ६ अर्ब ९१ करोड ८९ लाख रुपैयाँ पुगेको छ ।
आज कारोबारमा आएकामध्ये २ सय २५ कम्पनीको सेयरमूल्यम गिरावट आउँदा २४ कम्पनीको सेयरमूल्य उकालो लागेको छ ।
आज होटल तथा पर्यटनबाहेकका सबै समुहको परिसुचक ओरालो लागेका छन् ।
