काठमाडौं । सिंगटी हाईड्रो इनर्जी लिमिटेडले निष्काशन गरेको हकप्रद सेयरबाँडफाँड गरिएको छ । कम्पनीले मिति २०८० पौष २१ गतेसम्म कायम साविक सेयरधनीहरुका लागि १ कित्ता सेयर बराबर नयाँ १ कित्ता (१ः१) सेयरको अनुपातमा प्रति सेयर १ सय रुपैयाँ अंकित दरको सेयर निष्काशन गरेको थियो ।
जसअनुसार कमपनीले १ करोड ४५ लाख कित्ता हकप्रद सेयरको निष्काशन गरिएकोमा सो मध्ये रितपूर्वक आवेदन दिने ७६ हजार २ सय जना सेयरधनीहरुलाई ९८ लाख ८८ हजार ४ सय ६१ कित्ता हकप्रद सेयर बाँडफाँडका लागि स्वीकृत गरिएको हो ।
