काठमाडौं । तपाईंलाई थाहा छ संसारमा सबैभन्दा बढी घर भाडा कहाँ छ ? जवाफ न्यूयोर्क हो । यो अमेरिकी सहरमा एउटा बेडरूमको अपार्टमेन्टको मासिक भाडा दर ३,७८९ डलर रहेको छ । यो नेपाली मुद्रामा करीब ५ लाख रुपैयाँ हो । यो सूचीमा सिंगापुर दोस्रो नम्बरमा छ । यस एसियाली देशमा तपाईंले सहरको केन्द्रमा एउटा बेडरूम ३४५४ डलरको मासिक भाडामा पाउनुहुनेछ ।
भाडाको हिसाबले विश्वका शीर्ष १० महँगो सहरको कुरा गर्दा तीमध्ये सात अमेरिकाका छन् । न्यूयोर्कबाहेक यसमा सान फ्रान्सिस्को, ब्रुकलिन, बोस्टन, सान डिएगो, मियामी र सान जोस समावेश छन् । यसबाहेक बर्मुडाको ह्यामिल्टन र जर्मनीको ज्युरिच शीर्ष १० मा परेका छन् ।
वर्ल्ड अफ स्ट्याटिस्टिक्सका अनुसार विश्वका १३ सहरमा एउटा बेडरूमको अपार्टमेन्टको मासिक भाडा २५०० डलरभन्दा बढी छ । यसमा जर्जटाउन, लस एन्जलस र लन्डन समावेश छन् । लन्डनको सहरको केन्द्रमा रहेको एउटा बेडरूमको अपार्टमेन्टको मासिक भाडा २,६१४ डलर पर्छ । यस्तै हङकङमा २२७४ डलर, डब्लिनमा २१२१ डलर, सिड्नीमा २११४ डलर, दुबईमा १९७१ डलर, ११४१ डलर पेरिसमा, ९७४ डलर टोकियोमा र ९३० डलर सांघाईमा छ ।
भारतको आर्थिक राजधानी मुम्बईमा एउटा बेडरूमको अपार्टमेन्टको मासिक भाडा ५७० डलर छ । भाडाको हिसाबले भारतको सबैभन्दा महँगो सहर हो तर, यसको यो विश्वमा ३५१ औं स्थानमा छ । दिल्लीमा एउटा बेडरूमको अपार्टमेन्टको भाडा मुम्बईको आधाभन्दा कम छ ।
मासिक भाडाको हिसाबले पाकिस्तानको राजधानी इस्लामावाद र बंगलादेशको ढाका सबैभन्दा सस्ता शहरको सूचीमा पर्छन । इस्लामाबादमा अपार्टमेन्टको मासिक भाडा १५३ डलर र ढाकामा १३ डलर रहेको छ । यस्तै नेपालको संघीय राजधानी शहर काठमाडौंको भाडा न्यूयोर्कको तुलनामा औसतमा ९४.९% कम रहेको उल्लेख छ । अनुवाद गरिएको
