नेपालमा एनआरएनको २९ अर्ब लगानी, आकर्षणको क्षेत्र सेवा


बिजखबर संवाददाता
17 October, 2015 8:55 am

गैरआवासीय नेपालीहरुको नेपालमा लगानी २९ अर्ब ८५ करोड ५० लाख पुगेको छ । नेपाल आर्थिक पत्रकार समाज (सेजन)ले ९ ओटा जिल्लालाई आधार मानेर गरेको अध्ययनले यस्तो देखाएको हो ।

FoneLoan-250x250
Yamaha_250X250

अध्ययन अनुसार एनआरएनले देशभरका नौ वटा जिल्लामा सन् १०१४ को अन्त्यसम्ममा २९ अर्व बराबरको लगानी गरेका हुन् । त्यसमध्ये सेवा क्षेत्र एनआरएनको लगानीको आकर्षक क्षेत्र रहेको पाइएको छ ।

सो अवधिमा सेवा क्षेत्रमा मात्रै कुल लगानीको सबैभन्दा बढी ५९ प्रतिशत अर्थात १७ अर्ब ५३ करोड ७० लाख रुपैयाँ लगानी भएको छ । त्यसैगरी, उर्जा क्षेत्रमा विशेषगरी जलविद्युत आयोजनामा २४ प्रतिशत अर्थात ७ अर्ब ३६ करोड १० लाख रुपैयाँ लगानी भएको अध्ययनले देखाएको छ ।

अध्ययनले गैरआवासीय नेपालीहरुले विभिन्न ६७ प्रकारका उद्यमहरुमा लगानी गरेको देखिएको छ । काठमाडौं एनआरएनको लगानीको प्रमुख केन्द्र रहेको पाइएको छ । छ । त्यस्तै दोश्रोमा बाग्लुङ जिल्ला रहेको छ ।

अध्ययनले देखाए अनुसार अन्यमा क्रमशः मकवानपुर,कास्की, गोरखा चितवन र सिराहा रहका छन् । ती उद्योग व्यवसायले ८ हजार २ सय ७६ लाई रोजगारी दिएको छ ।

एनआरएनले सञ्चालन गरेको उद्योग व्यवसायबाट ५ हजार ४ सय ९६ पुरुष र अनय महिलाले रोजगारी पाएको बताइएको छ । सो अवधिमा गैरआवासीय नेपालीले नेपालमा सहयोग तथा चन्दा स्वरुप कुल लगानीको १ प्रतिशत रकम मात्रै खर्चिएको अनुसन्धानले देखाएको छ । सामाजिक क्षेत्रमा चन्दा स्वरुप ४ अर्व रुपैयाँ खर्चिएका छन् ।

प्रतिक्रिया दिनुहोस्