Global_Ime

साताको पहिलो दिन सेयर बजारमा नयाँ रेकर्ड कायम, परिसुचक २९८३ पुग्दा साढे १९ अर्ब बढिको कारोबार


बिजखबर संवाददाता
13 June, 2021 3:55 pm

stock-nepse-market

काठमाडौं । साताको पहिलो दिन आईतबार नेपाल स्टक एक्सचेन्ज (नेप्से)ले कारोबार रकमको नयाँ रेकर्ड कायम गरेको छ । पछिल्लो समय लगातार उकालो लागिरहेको नेप्से परिसुचक आईतबार ३८ दशमलव ३२ अंकले बढ्दै २९८३ दशमलव ११ अंकमा पुग्दा कारोबार रकम पनि १९ अर्ब ५५ करोड १ लाख ६६ हजार पुगेको छ । जुन नेपाली सेयरबजारमा हालसम्मकै उच्च कारोबार रकम हो ।

Yamaha

गत हप्तादेखिनै नयाँ नयाँ रेकर्ड कायम गरिरहेको नेप्सेले यो साताको पहिलो दिन नै कारोबार रकममा पुनः नयाँ रेकर्ड कायम गरेको हो

यस्तै आज क वर्गका कम्पनीको कारोबार मापन गर्ने सेन्सिटिभ परिसूचक पनि २ दशमलव १९ प्रतिशत अर्थात ११ दशमलव ५४ अंकले बढेर ५३९ दशमलव ४२ अंकको विन्दुमा पुगेको छ ।

आज दिनभरीमा २ सय २० कम्पनीको ३ करोड ७० लाख ७६ हजार ४ सय ३९ कित्ता सेयर किनबेच भएका छन् ।

आइतबार वित्त, विकाश बैंक र जलविद्युतलगायत ७ समूहको परिसूचकमा वृद्धि देखिएपनि अन्य ६ समुहको परिसुचकमा गिरावट आएको छ । जसमा विकाश बैंक ८ दशमलव २४ प्रतिशत, वित्त ७ दशमलव १४ प्रतिशत जलविद्युत ६ दशमलव १० प्रतिशत, होटल्स् तथा पर्यटन ४ दशमलव ७३ प्रतिशत र लगानी समूह २ दशमलव ३८ प्रतिशतले बढेको हो ।

प्रतिक्रिया दिनुहोस्

Nepal_telecom