तिलगंगालाई स्ट्याण्डर्ड चाटर्डको ५५ लाख सहयोग, ग्रामिण क्षेत्रमा आँखा शिविर सञ्चालन गरिने


रामराजा श्रेष्ठ
31 March, 2015 9:02 am

बिजखबर संवाददाता

FoneLoan-250x250
Yamaha_250X250

१७ चैत,काठमाडौं । स्टान्डर्ड चार्टड बैंकले तिलगंगा आँखा अस्पताललाई ५५ लाख रुपैयाँ सहयोग गरेको छ । ग्रामिण तथा अर्धशहरी क्षेत्रमा आँखाको शल्यक्रिया सञ्चालन गर्नका लागि सो सहयोग गरेको हो ।

सो सहयोगबाट अस्पतालले दुई स्थायी आँखा केन्द्र निर्माण गर्ने बताइएको छ । सो रकम भक्तपुरको सामुदायिक आँखा केन्द्र र आवधिक शल्य चिकित्साका लागि नुवाकोट जिल्लामा खर्च गर्ने अस्पतालले जानकारी दिएको छ ।
अस्पतालले विद्यालयमा प्रशिक्षण कार्यक्रम गरी आँखा हेरविचारको सचेतना जगाउने, आधारभूत आँखा हेरविचारमा ७ सय ५० प्राथमिक विद्यालय शिक्षक तालिमजस्ता कार्यक्रम सञ्चालन गर्ने छ ।

मंगलबार बैंकमा आयोजित एक कार्यक्रममा चार्टर्ड बैंक नेपाल लिमिटेडका प्रमुख कार्यकारी अधिकृत यूसुफ सिल्भानसले परियोजनाका प्रवन्धक नवीन राईलाई चेक हस्तान्तरण गरेका हुन ।

सो अवसरमा सिल्भानसले तिलगंगा, निषेध अन्धो व्यवहार लागि संसारमा वर्ग सुविधाको काम गर्न सम्मानित गरेको बताए । यो सहयोगले अन्धो रोगको न्यूनिकरण गर्न सघाउ पुर्याउने बैंकको विश्वास छ ।

प्रतिक्रिया दिनुहोस्