बिजखबर संवाददाता।
२३ कात्तिक, काठमाडौं । नेपालभर अप्टिकल फाइबर नेटवर्किङ् विस्तार गर्ने निर्णयलाई यसै बर्ष सुरू गर्न विकास समितीले सुचना तथा सञ्चार मन्त्रालयलाई निर्देशन दिएको छ । आइतबार सिंहदरबारको विकास समिती सचिवालयमा बसेको बैठकले अप्टिकल फाइबर बिछ्याउन बाँकी रहेका क्षेत्रहरूमा काम सुरू गर्न निर्देशन दिएको हो ।
समितीले ग्रामिण दुरसञ्चार कोषमा जम्मा भएको रकमलाई दुरसञ्चार विकासमा तत्काल लगाउन आदेश समेत दिएको छ । नेपाल दुरसञ्चार प्राधिकरका अनुसार अहिले कोषमा करिब १० अर्ब रूपैयाँ सङ्कलन भएको छ ।
समितीले हाल नेपालमा सञ्चालनमा रहेका तथा अनुमतीप्राप्त कम्पनीहरूको सेवा तथा कार्यक्रमका बारे जानकारी गराउन मन्त्रालय र प्राधिकरणलाई निर्देशन दिएको छ । नेपाल भित्रने टेलिफाने कल शुल्क(अन्तरआबद्धता) महङ्गो भएको प्रसङ्गमा समेत यसलाई समयानुकुल सहज बनाउन समितीले आदेश दिएको छ । दुरसञ्चार सेवालाई सहज र गुणस्तरीय बनाउन समेत समितीको बैठकले जानकारी गराएको छ ।
दुरसञ्चार तथा इण्टरनेट सेवा प्रदायकले सहरमा रहेका घरहरूको छतमा रहेका अग्ला टावरहरूले मानवीय जोखिम बढाएकोले त्यसलाई सहज बनाउन समेत समितीको निर्देशन छ ।
