GBIME

सामसुङ र माइक्रोनले भने–सियानको लकडाउनले मेमोरी चिप निर्माणमा बाधा पुग्यो, विश्वव्यापी अभाव निम्तिन सक्छ


बिजखबर संवाददाता
30 December, 2021 1:12 pm

lockdown china

काठमाडौं । विश्वका दुई ठूला मेमोरी चिप निर्माताहरू सामसुङ र माइक्रोन टेक्नोलोजीले चिनियाँ सहर सियानमा कडा लकडाउनसहितका नियन्त्रणहरूले तिनीहरूको चिप उत्पादन आधारहरू अवरुद्ध गर्न सक्ने चेतावनी दिएका छन् ।

Laxmi
NABIL
Yamaha

लकडाउनले विश्वव्यापी आपूर्ति श्रृंखलाहरूमा थप दबाब दिने र महामारीका कारण तीव्र रूपमा उच्च भाडा लागतको सामना गरिरहेका निर्यातकर्ताहरूको लागि थप कष्टपूर्ण अवस्था आउन सक्ने उत्पादक कम्पनीहरुले बताएका छन् ।

‘लकडाउनका कारण डाटा केन्द्रहरूमा व्यापक रूपमा प्रयोग हुने ‘डिआरएम’ मेमोरी चिपहरूको आपूर्तिमा ढिलाइ हुन सक्छ, माइक्रोनले बुधबार भनेको छ। ‘कडा प्रतिबन्धहरू, जुन यस महिनाको सुरुमा लागू भएको थियो बढेदै जाँदा परिणामस्वरूप उत्पादन साइटमा कर्म कर्मचारी उपस्थित हुन सकेका छन्’, माइक्रोनले थपेको छ।

sarbottam

सामसुङ इलेक्ट्रोनिक्सले ले लकडाउनका कारण डाटा केन्द्र, स्मार्टफोन र अन्य टेक ग्याजेटहरूमा डाटा भण्डारणको लागि प्रयोग हुने ‘एनएएनडी’ फ्ल्यास मेमोरी चिपहरूको लागि आफ्नो उत्पादन प्लान्ट अस्थायी रूपमा सञ्चालन गर्ने बुधबार बताएको छ । सामसुङको सियान प्लान्टमा बनेका चिपहरू मुख्यतया चीनमा उपयोग हुन्छ र सीमित ढुवानीका साथ विदेश जान्छ। प्लान्टमा बनाइएका चिप्सको सबैभन्दा ठूलो माग चिनियाँ सर्भर कम्पनीहरूबाट आउँछ ।

चिनियाँ अधिकारीहरूले डिसेम्बर २३ देखि सियान भित्रिन र छाड्नेहरुका लागि यात्रामा कडा प्रतिबन्ध लगाएका छन् । सियानमा कोभिड–१९ प्रकोप यस वर्ष कुनै पनि चिनियाँ सहरमा देखिएको सबैभन्दा ठूलो हो । पछिल्लो फ्लोअपको क्रममा कुल १,१०० भन्दा बढी केसहरू सार्वजनिक भएका छन्।

माइक्रोनले डिआरएम चिप्सका आफ्ना ग्राहकहरुका लागि विश्वव्यापी आपूर्ति श्रृंखलालाई सहज बनाउन प्रयास गरिरहेको बताउँदै आफ्ना प्रयासहरूले अधिकांश ग्राहकहरूको माग पूरा गर्न केही ढिलाइ हुन सक्ने भएपनि उत्पादन गरिरहने बताएको छ । भाइरस प्रसारणको जोखिम कम गर्न काम गरिरहेको र शारीरिक दूरी र साइटमा परीक्षण सहितका उपायहरू प्रयोग गरेको तथा खोपलाई प्रोत्साहित गरिरहेको माइक्रोनले उल्लेख गरेको छ।

सियानमा सामसुङको मेमोरी चिप सञ्चालन चीनको सबैभन्दा ठूलो विदेशी परियोजनाहरू मध्ये एक हो । टेक दिग्गजसँग सियानमा दुईवटा उत्पादन लाइनहरू छन् जहाँ उन्नत ‘एनएएनडी’ फ्ल्यास उत्पादनहरू उत्पादन हुने गर्दछ । यहाँबाट कुल ‘एनएएनडी’ फ्ल्यास मेमोरी उत्पादन क्षमताको ४२ दशमलव ५ प्रतिशत र समग्र विश्वव्यापी उत्पादन क्षमताको १५ दशमलव ३ प्रतिशत उत्पादन हुने गर्दछ ।-एजेन्सी

प्रतिक्रिया दिनुहोस्

NTC
MBL