काठमाडौं । नेपाली बजारमा आईतबार सुनको मूल्य एकैदिन प्रतितोला ३ हजार रुपैयाँले घटेको छ । नेपाल सुनचाँदी व्यवसायी महासंघका अनुसार गत हप्ता शुक्रबार प्रतितोला १ लाख ९३ हजार ७ सय रुपैयाँमा कारोबार भईरहेको सुनको मूल्य आज घटेर प्रतितोला १ लाख ९० हजार ७ सय रुपैयाँ पुगेको हो ।
यस्तै आज चाँदीको मूल्य पपनि प्रतितोला ५ रुपैयाँले घटेर २ हजार १ सय ४५ रुपैयाँ कायम भएको छ । यसअघि गत शुक्रबार नेपाली बजारमा चाँदी प्रतितोला २ हजार १ सय ५० रुपैयाँमा कारोबार भईरहेको थियो ।
