GBIME

हिमालयन क्यापिटलद्वारा उद्यमशीलता प्रर्वद्धन प्रशिक्षण कार्यक्रम सम्पन्न


बिजखबर संवाददाता
21 June, 2022 8:52 am

himalayan_capital

काठमाडौँ । हिमालयन क्यापिटलले वुमन लिड संस्थाका सदस्यहरुका लागि एक दिने उद्यमीशीलता प्रर्वद्धन प्रशिक्षण कार्यक्रम संचालन गरेको छ । हिमालयन क्यापिटलले आफ्नो स्थापनाकालदेखि नै उद्यमशीलताको बिकास गर्नका निम्ति विभिन्न कार्यक्रमहरु संचालन गर्दै आइरहेको छ ।

NLIC
LAXMI

उक्त कार्यक्रममा क्यापिटलका उच्च तहका अधिकारीहरुले महिला उद्यमीहरुलाई व्यापार व्यवसाय स्थापना गर्न र सफल रुपले संचालन गर्नको निम्ति आवश्यक ज्ञान र शिपहरुको जानकारी र प्रशिक्षण प्रदान गरिएको थियो । व्यापार व्यवसाय स्थापना र संचालन गर्नका निम्ति आवश्यक नियम कानुन सम्बन्धि जानकारी,आवश्यकता अनुसार पुंजीको व्यवस्थापन गर्नका निम्ति उचित वित्तीय व्यवस्थापन, उत्पादित वस्तु र सेवाको बजार प्रवर्धन, आयकर सम्बन्धि व्यवस्थाको परिपालन, र ब्यापार व्यवसाय सफल रुपले संचालन गर्न आवश्यक अन्य सिप तथा ज्ञानको बारेमा सहभागीहरुलाई जानकारी प्रदान गरि दिगो उद्यमशीलता प्रबर्धन गर्न कार्यक्रमको प्रमुख उद्देश्य रहेको थियो ।

कार्यक्रममा हिमालयन क्यापिटलका प्रमुख कार्यकारी अधिकृत परमेश्वर पन्तले देशको आर्थिक तथा सामाजिकअवस्थाको विश्लेषण गर्दै अहिलेको परिवर्तनशील पृष्ठभूमिमा उद्यमीहरुले सार्थक र सान्दर्भिक क्रियाकलाप गर्दै आफ्नो व्यवसाय संचालन गर्नु पर्नेमा जोड दिंदै दिगो रुपले व्यवसाय संचालन गर्न प्राथमिकतामा राख्नुपर्ने बिषयहरु सम्बन्धि जानकारी प्रदान गरेका थिए ।

हिमालयन क्यापिटलका संस्थागत परामर्श विभागका प्रमुख मन्जु मानन्धर प्रशिक्षक रहेको उक्त कार्यक्रमबाट ३० जना भन्दा वढी प्रशिक्षार्र्थीहरु लाभान्वित भएको छ ।त्यस्तै उद्ध्यम प्रबर्धन सम्बन्धि उक्त कार्यक्रममा वुमन लिडकी कार्यकारी निर्देशक हिमा बिष्ट तथा हजुरी खाध्य उद्योगकी अध्यक्ष तथा उद्यमी हजुरी बिष्टले पनि आफ्नो उद्यम यात्राका उतारचढाव र अनुभवहरुको बारेमा सहभागीहरुसंग अन्तरक्रिया गरेकी थिईन ।

हिमालयन क्यापिटलले नेपाली पुंजी बजारमा धितोपत्रको निष्काशन तथा बिक्री प्रबन्धन, धितोपत्र प्रत्याभुति, संगठित संस्थाको तर्फबाट धितोपत्रधनीहरुको अभिलेख, ग्राहकका लागि लगानी व्यवस्थापन, तथा संस्थागत परामर्श सेवा प्रदान गर्दै आएको छ । वित्तीय शाक्षरता तथा उद्यमशिलता बिकाशका निम्ति विभिन्न दर्ता,संचालन, तथा नीतिगत सेवा प्रदान गर्दै आएको हिमालयन क्यापिटल लिमिटेड राष्ट्रमा उद्यम प्रवर्दन गर्नका निम्ति निरन्तर रुपले क्रियाशील रहेको छ l

प्रतिक्रिया दिनुहोस्

CIVIL
NCHL