काठमाडौं । विश्वव्यापी ब्रान्ड गार्डियनशिप इन्डेक्स (बिजिआइ) सूचकांक २०२४ मा भारतीय खर्बपति मुकेश अम्बानी शीर्ष स्थानमा परेका छन् । अन्तर्राष्ट्रिय स्तरमा उनी सूचकांकमा दोस्रो स्थानमा छन् । रिलायन्स इन्डस्ट्रिजका सीएमडीले माइक्रोसफ्टका सत्य नाडेला र गुगलका सुन्दर पिचाईलाई पछि पार्दै विश्व स्तरमा नम्बर २ स्थान हासिल गरेका छन् ।

टेन्सेन्टका मा हुवाटेङमात्रै उनीभन्दा अगाडि छन् । यस सूचकांकमा टाटा सन्सका अध्यक्ष एन चन्द्रशेखरन पाँचौं स्थानमा छन् । यसअघि २०२३ मा उनी आठौं स्थानमा थिए । यस वर्षको इन्डेक्समा महिन्द्रा एण्ड महिन्द्राका अनिश शाह छैठौं र इन्फोसिसका सलिल पारेख १६औँ स्थानमा छन् । मुकेश अम्बानी २०२३ को सूचकांकमा पनि अन्तर्राष्ट्रिय स्तरमा दोस्रो स्थानमा थिए । यो वर्ष ‘विविध’ समूहको विधामा उनले प्रथम स्थान हासिल गरेका छन् । अम्बानी ब्रान्ड प्याट्रोन इन्डेक्स २०२४ मा शीर्ष भारतीय र विश्वमा दोस्रो स्थानमा छन् । यो उनको नेतृत्व र रिलायन्स इन्डस्ट्रिजको सफलताको प्रमाण हो ।

ब्रान्ड गार्डियनशिप इन्डेक्स के हो ?

ब्रान्ड गार्डियन इन्डेक्स वा बिजिआइ व्यक्तिगत कम्पनीका सीईओहरूको ब्रान्ड सुरक्षा क्षमताहरू मापन गर्ने एक सूचकांक हो । यो ब्रान्ड फाइनान्सले तयार पार्ने गर्छ । यो एक विश्वव्यापी ब्रान्ड मूल्याङ्कन र रणनीति परामर्श कम्पनी हो ।

बिजिआइ मुख्यत तीन मुख्य कुराहरूमा आधारित हुन्छ

इक्विटी : यसले कम्पनीको वित्तीय कार्यसम्पादन, यसको उत्पादन र सेवाहरूको गुणस्तर, र यसको प्रतिष्ठा सहित हालको धारणाहरू मापन गर्दछ ।

कार्यसम्पादन : यसले धेरै चीजहरू मापन गर्दछ जस्तै शेयरधारक मूल्य, बजार साझेदारी वृद्धि र ग्राहक सन्तुष्टि ।

लगानी : यसले अनुसन्धान र विकास, नवप्रवर्तन र प्रतिभा व्यवस्थापनमा लगानी जस्ता भविष्यको कार्यसम्पादनलाई समर्थन गर्ने कारकहरू मापन गर्दछ ।

सूचकांक कसरी बनाइन्छ ?

बिजिआइमा १०० विश्वभरका एकसय सीईओहरू हुन्छन् । उनीहरूलाई विश्वभरका १,००० बजार विश्लेषक र पत्रकारहरूको सर्वेक्षणबाट छनोट गरिन्छ । बिजिआइको उद्देश्य सीईओहरूलाई पहिचान गर्नु हो जो आफ्नो कम्पनीको ब्रान्डहरूको दीर्घकालीन सफलताको लागि प्रतिबद्ध छन् । यो आफ्नो ब्रान्ड मूल्यवृद्धि गर्न चाहने कम्पनीहरुको लागि एक उपयोगी उपकरण हो ।