काठमाडौं । वेस्टर्न युनियन मनी ट्रान्सफरले नेपालीहरूको नयाँ वर्षको अवसरमा नयाँ अफर सार्वजनिक गरेको छ । कम्पनीले ‘नगदमा हर्ष बनिरहोस्, नयाँ वर्ष शुभ रहोस्’ अफर जारी गरेको हो ।
वेस्टर्न युनियन मनी ट्रान्सफरले नयाँ वर्षको उत्सवमा ग्राहकहरूको खुसी बढाउने लक्ष्य सहित यस योजना ल्याएको हो । यस योजनामा सहभागी हुनका लागि, ग्राहकहरूले नेपालका सबै ७७ जिल्लाहरूमा फैलिएका वेस्टर्न युनियन मनी ट्रान्सफर सेवाका १५ हजारभन्दा बढी भुक्तानी काउन्टरहरू मध्ये जुनसुकैबाट पनि आफ्नो रेमिट्यान्स प्राप्त गर्नु पर्ने हुन्छ ।
प्रत्येक कारोबारहरू स्वतः रूपमा साप्ताहिक र बम्पर ड्रको लागि समावेश हुनेछन् । यो योजना नेपालभर वैशाख १८ गतेसम्म लागू हुनेछ । यस योजना अन्तर्गत पाँच हप्तासम्म हरेक हप्ता सात जना भाग्यशाली ग्राहकहरूले साप्ताहिक लक्की ड्र मार्फत १५ हजार रुपैयाँ जित्न सक्नेछन् । अभियानको अन्त्यमा एक भाग्यशाली विजेताले बम्पर ड्र मार्फत एक लाख रुपैयाँ जित्न सक्नेछन् ।
