GBIME

हायर पर्चेज कर्जा दिने कम्पनीलाई कडाई, धितोको ८० प्रतिशत मात्रै लगानी, एकल ग्राहक सीमा ३० प्रतिशत (निर्देशन सहित)


बिजखबर संवाददाता
30 January, 2022 7:10 pm

हायर पर्चेज कर्जा दिने कम्पनीलाई कडाई, धितोको ८० प्रतिशत मात्रै लगानी, एकल ग्राहक सीमा ३० प्रतिशत (निर्देशन सहित)

काठमाडौं । नेपाल राष्ट्र बैंकले हायर पर्चेज कर्जा दिने कम्पनीलाई कडाई गरेको छ । बैंकले आईतबार ‘हायर पर्चेज कर्जा दिने कम्पनीलाई स्वीकृति दिने नीतिगत एवम् प्रक्रियागत व्यवस्था, २०७० (तेस्रो संशोधन २०७८) जारी गर्दै यस्तो कर्जामा कडाई गरेको हो ।

NLIC
LAXMI

उक्त निर्देशन अनुसार हायर पर्चेज कर्जा दिने कम्पनीहरुले धितो मूल्यांकनको ८० प्रतिशत सम्म मात्रै कर्जा पाउने भएका छन् । यस अघि यस्ता कम्पनीले धितो मुल्यांकनको शतप्रतिशतसम्म कर्जा दिँदै आएका थिए ।

यसैगरी कुनै एउटै, ग्राहक फर्म, कम्पनी वा समुहलाई प्रदान गरिने कर्जाको सीमा अघिल्लो त्रैमासको खुद सम्पत्तिको बढिमा ३० प्रतिशतसम्म कायम गरिएको छ । राष्ट्र बैंकले त्यस्ता कम्पनीले प्रबाह गर्ने कर्जा एटउटै कम्पनी वा फर्ममा केन्द्रिकृत नहोस भन्ने उद्देश्यले ३० प्रतिशतको सीमा राखेको जानकारी दिएको छ । यस अघि हायर पर्चेज कम्पनीले एउटै कम्पनी वा फर्मलाई आफ्नो खुद सम्पतीको शतप्रतिशत कर्जा दिन सथ्यो ।

यसैगरी राष्ट्र बैंकले हायर पर्चेज कम्पनीहरुले लिने ब्याजदरको सीमा बढाएको छ । अब हायर पर्चेज कर्जामा औषत व्याजदर अन्तर ३ प्रतिशत रहेकोमा तेस्रो संसोधनमार्फत ४ प्रतिशतभन्दा बढि नहुनेगरी ऋण तथा सापटीमा दिनसक्ने व्यवस्था गरेको छ ।

प्रतिक्रिया दिनुहोस्

CIVIL
NCHL