नेपाल टेलिकमले जीएसएम प्रिपेड सेवामा फ्रेन्ड एण्ड फेमिली सुविधा उपलब्ध गराउने भएके छ । टेलिकमले कात्तिक २५ गते उपलब्ध गराउन लागेको सुविधामा जिएसएम प्रिपेड मोबाइलबाट नेपाल टेलिकमको नेटवर्क भित्रका कुनै ५ वटा नम्बरमा कल गर्दा प्रति मिनेट ७० पैसा मात्र महसुल लाग्ने छ ।
सो सुविधा लिनका लागि एफएनएफएसयुवि स्टार एमडीएन लेखेर १४१५ मा एसएमएस पठाउनुपर्ने छ । एमडीएन भन्नाले टेलिकमको नेटवर्क भित्रका टेलिफोन नम्बर बुझिन्छ ।
त्यसैगरी अन्य थप ४ वटा नम्बर पनि क्रमशः थप्नका लागि एफएनएफएडीडी स्टार एमडीएन लेखेर १४१५ मा एसएमएस गर्नुपर्ने बताइएको छ ।
एक पटकमा एउटा मात्र नम्बर एसएमएस गर्न सकिने छ । गरी सिडिएमए प्रिपेड तथा पोष्टपेडमा भने पहिलेदेखि नै यस्तो सुविधा उपलब्ध छ । जिएसएम पोष्टपेड सेवामा एफएन अन्तर्गत ३ वटा नम्बरमा मात्र सुविधा भएकोमा अब ५ वटा नम्बरमा कल गर्न सकिने व्यवस्था गरिएको छ ।
यो सुविधा लिनका लागि एफएनएफ पछि स्पेस राखेर ५ वटा नम्बरहरु लेखि १४ सयमा एसएमएस पठाउनुपर्ने छ ।
