काठमाडौं । नेपाल राष्ट्र बैंकले डेबिट कार्डबाट रकम झिक्न पाउने रकमको सीमा घटाएको छ । केन्द्रीय बैंकले शुक्रबार भुक्तानीसम्बन्धी एकीकृत निर्देशन, २०८१ लाई संशोधन गर्दै डेबिट कार्डबाट झिक्न पाउने सीमा घटाएको हो । अब डेबिट कार्डबाट प्रतिकारोबार २० हजार रुपैयाँमात्रै झिक्न पाउने व्यवस्था गरेको छ । यसअघि बैंक तथा वित्तीय संस्थाहरुको डेबिट कार्डमार्फत प्रतिकारोबार २५ हजार रुपैयाँ गर्न पाइन्थ्यो ।
त्यस्तै, अब प्रतिदिन ५० हजार रुपैयाँ मात्रै झिक्न सकिन्छ । साथै, प्रतिमहिना ३ लाख रुपैयाँ मात्रै डेबिट कार्डमार्फत झिक्न सकिने केन्द्रीय बैंकले जनाएको छ । यसघि डेबिट कार्डमार्फत प्रतिदिन १ लाख र प्रतिमहिना ४ लाख रुपैयाँसम्म झिक्न पाउने व्यवस्था थियो । राष्ट्र बैंकले प्रिपेड कार्ड र क्रेडिट कार्डको कारोबार रकम सीमा भने यथावत नै राखेको छ ।
