काठमाडौं । राष्ट्रिय बाणिज्य बैंकका प्रमुख कार्यकारी अधिकृत (सीईओ) किरणकुमार श्रेष्ठ म्यानेजर अफ दि इयर–२०१९ बाट सम्मानित भएका छन् । नेपाल व्यवस्थापक संघ (म्यान)ले उनलाई आज एक कार्यक्रमकाबीच सन् २०१९ को उत्कृष्ट म्यानेजरको रुपमा सम्मान गरेको हो ।

शुक्रबार उक्त कार्यक्रममा उपराष्ट्रपति नन्द किशोर पुनले श्रेष्ठलाई उक्त सम्मान प्रदान गरेका हुन् । बैंकिङ क्षेत्रमा तीन दशकभन्दा बढी विताईसकेका श्रेष्ठले पछिल्लो समय सरकारी स्वामित्वको राष्ट्रिय बाणिज्य बैंकलाई उत्कृष्ट बनाउन उल्लेखनीय भुमिका निर्वाह गरेका छन् । जसका कारण बैंक निक्षेप तथा कर्जा परिचालन, खराव कर्जा उठौती तथा नाफाका हिसावले सबैभन्दा उत्कृष्ठ भएको छ ।

यसैगरी म्यानले मेगा बैंकका सीईओ अनुपमा खुँजेलीलाई वुमन म्यानेजर रिकोनाईजेशन अवार्ड–२०१९ बाट सम्मान गरेको छ । बाणिज्य बैंकको पहिलो महिला सीईओ खुँजेलीलाई सफल रुपमा मेगा बैंक हाक्न सफल भएको भन्दै रिकोनाईजेशन अवार्डबाट सम्मानित गरेको हो ।
श