एनसेलले ल्यायो ‘मोबाइल क्लास डेटा प्याक’, त्रिभुवन विश्वविद्यालयसँग सहकार्य

Ncell

काठमाडौं । एनसेलले विद्यार्थीहरुका लागि मोबाइल क्लास डेटा प्याक ल्याएको छ । लकडाउनले गर्दा घरमा बसिरहेका र उनीहरुको अनलाइन शिक्षाका लागि इन्टरनेट सेवाको आवश्यकतालाई ध्यानमा राखेर एनसेलले त्रिभुवन विश्वविद्यालयसँग सहकार्य गरी १६ जीबी डेटा भोलुम रहेको यो प्याक बुधबारबाट सञ्चालनमा ल्याएको हो ।

विद्यार्थीले १५० (कर सहित रु १९१.५४) रुपैयाँमा यो प्याक लिन सक्छन् । प्याक अन्तर्गतको डेटा भोलुमको समयसीमा ७ दिनको रहनेछ । मोबाइल क्लास प्याक अन्तर्गत विद्यार्थीहरुले ४ जीबी अल टाइम डेटा (थ्रिजी, फोरजी) र २ जीबी भिडियो डेटाको फाइदा लिन सक्नेछन् ।

विद्यार्थीले यो ४ जीबीको अल टाइम डेटा प्याक कुनै पनि नेटवर्कमा प्रयोग गर्न सक्नेछन् भने २ जीबी भिडियो प्याकअन्तर्गत विद्यार्थीले युट्युब, आइफिल्क्स र अन्य गुगल सर्भिसहरुमा प्रयोग गर्न सक्नेछन् ।

यस प्याकको प्रमुख विषेशतामा माइक्रोसफ्ट टिम्स् प्रयोग गर्नका लागि १० जीबी डेटा रहेको छ । विद्यार्थीहरुले माइक्रोसफ्ट टिम्स् मार्फत शिक्षकसँग अनलाइन शिक्षा लिनवाआफ्ना साथीहरुसँग समुहमा रहेर अध्ययन गर्न सक्छन् ।

विद्यार्थीहरुले *१७१२३*२०# डायल गरी वा अंग्रेजीको सानो अक्षरमा ईडीयू टाइप गरी १७१२३ मा एसएमएस पठाएर यो प्याक लिन गर्न सक्छन् । साथै एनसेल एपबाट पनि यो प्याक लिन सकिन्छ ।

अनलाइन सिकाइका लागि विषेश रुपमा तयार पारिएको यो डेटा प्याकले विद्यार्थीहरुलाई आफ्ना शिक्षकहरु र कक्षाका साथीभाईसँग सम्पर्कमा रहँदै उनीहरुको अनलाइनमार्फत हुने अध्ययनमा ठूलो योगदान पुर्याउने विश्वास कम्पनीले लिएको छ ।

यसबाहेक एनसेलका अरु विभिन्न सेवा तथा अफरहरु पनि चलिरहेका छन् । कम्पनीका रिचार्जमा १२० प्रतिशत बोनस, पे एज यु गो इन्टरनेट सेवामा २५ प्रतिशत छुट, १५ जीबी स्टे होम डेटा प्याक, निःशुल्क ब्यालेन्स ट्रान्सफर सेवा, सापटी रकममा थप, एसएमएस र डेटा प्रयोग गरी पछि शुल्क तिर्न मिल्ने, विश्वका विभिन्न १५ देशको कल शुल्कमा छुट, डिजिटल सेवाहरुमानिःशुल्क पहुँचजस्ता अन्य थुप्रै सेवाहरु पनि चलिरहेका छन् ।


फेसबूक कमेन्ट गर्नुहोस्

DMCA.com Protection Status