काठमाडौं। नेपालमा कोरोना भाइरसका नयाँ संक्रमित भेटिएका छन् । बुधबार स्वास्थ्य मन्त्रालयले एक व्यक्तिमा संक्रमण भेटिएको जानकारी दिएको छ ।
टेकुस्थित शुक्रराज ट्रपिकल अस्पतालले पठाएको नमुनामा पोजेटिभ देखिएको र संक्रमितलाई आइसोलेसनमा राखेर उपचार गरिँदै गरेको मन्त्रालयले जानकारी दिएको छ ।
योसँगै नेपालमा कोरोना संक्रमण हुनेको संख्या तीन पुगेको छ । संक्रमित एक जना ठिक भएका छन् भने एक जना अहिले उपचारत नै रहेका छन् ।
नेपालमा अहिलेसम्म ६८७ जनाको टेस्ट गरिएको र ६८४ जनाको टेस्ट निगेटिभ आएको मन्त्रालयको पछिल्लो अपडेटमा जनाएको छ ।
