भारतीय प्रधानमन्त्री नरेन्द्र मोेदीको सरकार तथा उक्त पार्टीको प्रमुख प्रतिपक्षीबीच रोजगार संकटको विषयमा बहस चर्किरहँदा अर्काे एक अच्चम्मको समाचारले धेरैको ध्यान तानेको छ । भारतको उत्तरप्रदेशको पाँच कक्षा पास र साइकल चलाउन मात्र जान्ने सीप भए पाउन सकिने जागिरका लागि ९३ हजार जनाको आवेदन परेको छ ।
कुल ६२ ओटा उक्त पदका लागि ३७ सय जना पीएचडी(विद्यावारिधि) गरेकाले पनि आवेदन दिएपछि यो खबर चर्चामा आएको हो । यूपी पुलिसको म्यासेन्जर(हुलाकी) पदका लागि खुलाइएको जागिरमा २८ हजार हजार स्नातकोत्तर उत्तीर्णले आवेदन दिएका छन् । त्यस्तै पुलिसको रिपोर्ट अनुसार ५० हजार स्नातक उत्तीर्णले पनि उक्त पदका लागि आवेदन दिएको पाइएको छ ।
एक अधिकारीका अनुसार उक्त पदका लागि सामान्य प्रश्नहरु तथा गणीतका केही प्रश्नहरु सामेल गरिएका छन । उनका अनुसार उक्त पद एक हुलाकी बराबरको पद हो । जसमा एक कार्यलयको सुचना अर्काे कार्यलयमा पुर्याइन्छ । उक्त पदको सुरुवाती तलब मासिक २० हजार भारु रहेको छ ।
उत्तर प्रदेशको यो अवस्थाले भारतमा बढ्दो बेराजगार समस्या उजागर गरेको छ । हालैको एक समाचार अनुसार पनि भारतीय रेलवेमा करीब दुई करोड युवाले लगभग १ लाख पदका लागि आवेदन दिएका थिए । त्यस्तै मुम्बई पुलिसले आवेदन गरेको सबैभन्दा तल्लको तहको पुलिसका लागि पनि दुई लाखभन्दा बढीले आवेदन दिएका छन् । ११ सय त्यस्ता पुलिस माग गरिएकोमा वकील, डाक्टर र इन्जिनियर पनि आवेदन दिएका थिए । त्यस्तै राजस्थानमा १ सय २९ इन्जिनियर, २३ वकिल, एक जना चार्टर्ड एकाउन्टेन्ट र ३ सय ९३ जना स्नातक उत्तीर्णले कार्यालय सहायक(पियन) पदका लागि अन्तरवार्ता दिएका थिए ।
