काठमाडौं । चीनले कोरोना भाइरस (कोभिड १९) रोग रोकथाम तथा नियन्त्रणका लागि नेपाललाई ४० हजार पीसीआर टेस्ट किट सहयोग गरेको छ । नेपालका लागि चिनियाँ राजदूत होउ यान्छीले उक्त स्वास्थ्य सामग्री सोमबार स्वास्थ्य तथा जनसंख्या मन्त्री भानुभक्त ढकाललाई हस्तान्तरण गरेकी हुन् ।
चीनले हस्तान्तरण गरेको स्वास्थ्य सामग्रीमा मेडिकल सामग्रीमा ४० हजार थान पीसीआर किट, २० हजार थान एन ९५ मास्क, ८ लाख सर्जिकल मास्क, १० हजार थान डिस्पोजेबल कभरअल र १० हजार थान चस्मा आदि रहेका छन् ।
चीनले हिमालय एयरलाइन्सबाट गत शुक्रबार र शनिबार गरी दुई लटमा उक्त स्वास्थ्य सामग्री ल्याएको थियो ।
