कोरोना कहर : विश्वभर १ करोड २ लाख बडी संक्रमित, आधाभन्दा बढी कोरोना संक्रमित निको भएर घर फर्किए

Coronavirus

काठमाडौं । विश्वभर कोरोना भाइरस (कोभिड–१९)को नयाँ संक्रमण र मृत्युदर नघटेपनि यसबाट निको हुने मानिसको संख्या भने बढ्दै गएको छ । आज बिहानसम्म संसारभरका ५५ लाख ५३ हजारभन्दा धेरै मानिस कोरोना निको भएर घर फर्केका छन् ।

कोरोना भाइरससम्बन्धी तथ्यांक अद्यावधिक गरिरहेको साइट वर्ल्डोमिटर्सको पछिल्लो विवरण अनुसार विश्वभर ५५ लाख ५३ हजार १ सय ७ जना कोरोनाबाट निको भएका हुन् । चीनको हु बेई प्रान्तको राजधानी वुहानबाट गत वर्षको डिसेम्बर अन्तिममा फैलिएको कोरोना भाइरस संक्रमणबाट विश्वभर ५ लाख ४हजार ३ सय ६६ जनाले ज्यान गुमाएका छन् । संक्रमितको संख्या १ करोड २ लाख ४२ हजार ९ सय ३० छ ।

सबैभन्दा बढी प्रभावित अमेरिकामा बिहानसम्म १ लाख २८ हजार ४३७ जनाको कोरोना संक्रमणबाट ज्यान गएको छ । अहिलेसम्म संक्रमितको संख्या २६ लाख ३७ हजार ७७ पुगेको छ। पछिल्लो २४ घण्टामा त्यहाँ ४० हजार ५ सयभन्दा धेरैमा संक्रमण पुष्टि भएको छ भने २८५ जनाले ज्यान गुमाएका छन् ।

अमेरिकापछि सबैभन्दा बढी संक्रमण देखिएको ब्राजिलमा संक्रमितको संख्या १३ लाख ४५ हजार २५४ पुगेको छ । पछिल्लो २४ घण्टामा त्यहाँ ५५५ जनाको मृत्यु भएसँगै मृत्यु हुनेको संख्या ५७ हजार ६५८ पुगेको छ ।

छिमेकी मुलुक भारतमा कोरोना भाइरसको संक्रमणबाट मृत्यु हुनेको संख्या १६ हजार ४८७ पुगेको छ । भारतमा पछिल्लो २४ घण्टामा १९ हजार ६२० जना नयाँ संक्रमित थपिएसँगै संक्रमितको ९ लाख ४९ हजार १९७ पुगेको हो ।


फेसबूक कमेन्ट गर्नुहोस्

DMCA.com Protection Status