विमान दुर्घटनाको उच्चस्तरीय छानविन समिति गठन गर्न प्रमको निर्देशन, १३ जनाको सकुसल उद्धार

काठमाडौं । प्रधानमन्त्री केपी शर्मा ओलीले त्रिभुवन अन्तरराष्ट्रिय विमानस्थलमा भएको विमान दुर्घटनाको छानविनका लागि उच्चस्तरीय छानविन समिति गठन गर्न निर्देशन दिएका छन् । आज दिउँसो विमानस्थलमा युएस बंगालको विमान दुर्घटना भएपछि सोको छानविनका लागि समिति गठन गरी छानविन अघि बढाउन निर्देशन दिएका हुन् ।

विमानमा चालक दलका सदस्य सहित कुल ७१ जना सवार थिए । जसमा ३३ जना नेपाली र ३२ जना बंगाली नागरिक थिए । यस्तै चिनियाँ र माल्दिभ्सका नागरिक पनि सो विमानमा सवार दिए भने ४ जना चालकदलका सदस्य थिए ।

नेपाल प्रहरीले दिएको जानकारी अनुसार हालसम्म ४९ जनाको मृत्यु भएको छ । घाइते भएकाहरुका ग्राण्डी इन्टरनेशनल अस्पताल, नर्भिक अस्पतालमा उपचार भइरहेको छ । जसमध्ये ५ जनाको नर्भिक, ३ जनाको ग्राण्डी र १ जनाको ओम अस्पतालमा उपचार भइहेको छ ।

पछिल्लो तथ्याङ्क अनुसार १३ जनाको सकुशल उद्धार गरिएको प्रहरीले जानकारी दिएको छ । उनीहरुको काठमाडौंका विभिन्न अस्पतालमा उपचार भइरहेको छ । जसमा १० जना नेपाली र ३ जना बंगाली नागरिक रहेका छन् ।


फेसबूक कमेन्ट गर्नुहोस्