दुर्घटनाग्रस्त बोइङ–७३७ विमानका १७६ जनाको मृत्यु, चालकदलका ९ सदस्यको पनि ज्यान गयो

काठमाडौं । इरानमा युक्रेनको बोइङ–७३७ विमान दुर्घटनामा परी १६७ जना यात्रुको मृत्यु भएको छ । साथै अन्य ९ जना चालकदलका सदस्यहरुको समेत मृत्यु भएको अधिकारीहरुले पुष्टी गरेका छन ।

बुधबार बिहान दुर्घटनाग्रस्त भएको उक्त जहाज तेहरानको इमाम खामेनी विमानस्थलबाट उड्ने वित्तिकै दुर्घटना भएको थियो । सो जहाजमा कम्तीमा १६७ जना यात्रु र अरु ९ जना चालक दलका सदस्य रहेका थिए ।

Bajaj Pulsar Bizkhabar
Suzuki SPresso
Nepaltop Water Tank Sab Thik Thak Bizkhabar TWS

इस्लामिक रिपब्लीक न्युज एजेन्सीले विमानस्थलका प्रवक्ता अलि कसानीलाई उद्धृत गर्दै उनीहरु सबैको मृत्यु भएको पुष्टी गरेको समाचार सम्प्रेषण गरेको छ । प्रारम्भिक विवरणअनुसार उक्त विमान युक्रेनको राजधानी किभतर्फको यात्रामा रहेको थियो । विमान दुर्घटनामा परेको विमानस्थल नजिकैको क्षेत्रमा उद्धार टोली परिचालन गरिएको छ ।

इरानको आपतकालिन सेवाका प्रमुख पिरहोसेन कोउलीभान्डले सरकारी टेलिभिजनसँग भने, ‘विमानमा आगो लागेको छ र हामीले उद्धारकर्मी त्यसतर्फ पठाएका छौं’, ‘हामीले केही यात्रुहरूलाई बचाउने प्रयास गरेका थियौं ।’

इरान र अमेरिकाबीच तनाव बढिरहेका बेला भएको सो दुर्घटना दुई देशको तनावसँग सम्वन्ध रहेको वा नरहेको बारेमा भने स्पष्ट नभएको पनि समाचारमा जनाइएको छ/रासस


फेसबूक कमेन्ट गर्नुहोस्

DMCA.com Protection Status