काठमाडौं । विराटनगर भन्सार कार्यालयले गत आर्थिक वर्ष २०७४/७५ मा
३२ अर्ब ८१ करोड २६ लाख राजस्व संकलन गरेको छ ।
कार्यालयले गत आवमा ३१ अर्ब २४ करोड ४८ लाख राजस्व उठाउने लक्ष्य राखेकामा ३२ अर्ब ८१ करोड २६ लाख राजस्व संकलन गरी लक्ष्यभन्दा ५ दशमलव ०२ प्रतिशत बढी उठाएको छ ।
विराटनगर भन्सार कार्यालयको तथ्यांकअनुसार भन्सार महसुलतर्फ १३ अर्ब ४४ करोड ९२ लाखको लक्ष्यमा १३ अर्ब ८५ करोड २४ लाख राजस्व संकलन गरिएको छ ।
यसैगरी, मूल्यअभिवृद्धि करतर्फ १३ अर्ब २२ करोड ५७ लाख उठाउने लक्ष्य रहेकोमा १७ अर्ब ५३ करोड १३ लाख राजस्व संकलन गरिएको छ ।
यस्तै, अन्तःशुल्कको वार्षिक लक्ष्य ४ अर्ब ५६ करोड ९९ रहेकोमा १ अर्ब ४२ करोड ८८ लाख राजश्व संकलन भएको छ ।
