काठमाडौं । निरन्तर बर्षाका कारण पोखरालगायत ९ वटा विमानस्थल बन्द रहेको छ । यही बिहीबार राती देखी परेको पानीले गर्दा दर्जन विमानस्थलहरुबाट हुने उडान अझै खुलन सकेको छैन ।
त्रिभुवन अन्तरराष्ट्रिय विमानस्थलका प्रवक्ता प्रताप बाबु तिवारीका अनुसार लुक्ला, रुम्जाटार, लामिडाँडा, जनकपुर, सिमरा र रामेछाप, चन्द्रगढी, पोखरा र भरतपुर विमानस्थल बन्द भएका छन ।
पोखरा र भरतपुर विमानस्थलबाहेकका अन्य विमानस्थल भने विगत ३ दिन देखी बन्द रहेको विमानस्थलले जानकारी दिएका छन । नियमित हुनुपर्ने उडान अवतरण नहुँदा यात्रुहरु विमानस्थलमै अलपत्र परेका छन ।
त्यस्तै नेपालगञ्बाट हुने आन्तरिक उडानमा भने डोल्पाm बाजुरा र जुम्लाबाहेक अन्य सबै उडान अवतरण बन्द रहेको विमानस्थलका प्रमुख प्रेमनाथ ठाकुरले जानकारी दिएका छन ।
उक्त विमानस्थलका अनुसार ४ दिन देखी यात्रुहरु विमानस्थलमै अलपत्र परेका छन भने अन्य भारतीय यात्रु भने होटलमा रहेका छन । भारतीय यात्रुहरुलाई भने एयरलाईन्स कम्पनीले नै विमानस्थल सम्म लाने र लैजाने भएकाले होटलमा नै रहेको ठाकुरले जानकारी दिएका छन ।
अन्य पश्चिम हिमाली क्षेत्रका सबै विमानस्थलहरु समेत बन्द भएको त्रिभुवन विमानस्थलले जानकारी दिएका छन ।
