काठमाडौं । साताको पहिलो दिन नेप्से परिसुचक दोहोरो अंकले बढेको छ । बजार खुलेदेखि नै उकालो लागेको बजार मध्यभागका २५ अंकले बढ्न पुगेको थियो ।
तर बजार बन्द हुँदा ११ दशमलव ६९ अंकले बढ्दै नेप्से परिसुचक १ हजार २ सय ५६ अंकको पुगेर अडिएको छ । आईतबार नेप्से दोहोरो अंकले बढ्दा सबै समुहका परिसुचक उकालो लागेका छन् । जसमा सबैभन्दा बढी जीवन बीमा समुहको परिसुचक ४८ अंकले बढेको छ ।
पछिल्लो समय लगातार उकालो लागेको बैंकिङ समुहको परिसुचक आजपनि १३ दशमलव ७१ अंकले बढ्न पुगेको छ । आईतबार लामो समययता कारोबार रकम बढेर ९१ करोड ५२ लाख रुपैयाँ पुगेको छ ।
दिनभर १ सय ६६ कम्पनीको ३० लाख ७० हजार कित्ता सेयर खरिदबिक्री भएको छ । जसमा सबैभन्दा बढी एनएमबी बैंकको ७ करोड रुपैयाँ बराबरको सेयर कारोबार भएको छ ।
