काठमाडौं । बिहीबार नेप्से परिसुचक ३१ अंकले उकालो लागेको छ । सो दिन सेयर बजार १५ सय ८२ दशमलब ११ अंकमा पुगेर बन्द भएको हो । सो दिन कारोबारमा आएका अधिकांश समुहको परिसुचक उकालो लाग्दा समग्र सेयर बजारमा सकारात्मक प्रभाब परेको देखिन्छ ।
बिहीबर बीमा समुहको परिसुचक सबैभन्दा बढी ३१९ दशमलव ९ अंकले बढेको छ । त्यस्तै होटल समुह ५८ दशमलब ८७, बिकास बैंक २९ दशमलव ४५ र बैंकिङ समुहको परिसुचक २४ दशमलव ५३ अंकले उकालो लागेको हो ।
त्यसैगरी जलविद्युत २० दशमलव ७४,उत्पादन ११ दशमलव २४, फाइनान्स ४ दशमलव ९२ र अन्य समुहको परिसुचक ४ दशमलव ३४ अंकले बढेको छ ।
बिहीबार १ सय ४८ ओटा कम्पनी कारोबारका आएका थिए । ती कम्पनीको ३५ लाख कित्ता सेयरबाट ७६ करोड ३० लाख रुपैयाँको कारोबार भएको छ ।
