सरकारले आफ्नो आगामी बर्षको नीति तथा कार्यक्रममार्फत सेयर बजारलाई विस्तार गर्ने भनेर घोषणा गरेकै भोलिपल्ट बजार नकारात्मक दिशातर्फ लागेको छ । बजार खुलेदेखि नै आरोला लागेको बजार अन्तमा ४ दशमलव ३१ अंकले घट्न पुगेको छ । नीति तथा कार्यक्रमले सेयर बजारको बारेमा एक शब्द मात्र छोएको भन्दै त्यसलाई लगानीकर्ताले सकारात्मक रुपमा लिएका थिएनन् ।
बजारमा प्रायःजसो समुहका परिसुचक ओरालो लागेको छन् । जसमा सबैभन्दा बढि बीमा समुहको परिसुचक २४ अंकले घट्न पुगेको छ । यसैगरी बजारमा बढि प्रभाव रहेको बैंकिङ समुहको परिसुचक ४ दशमलव १४ अंकले घट्न पुगेको छ ।
यसैगरी बजारमा अतिरिक्त समुह, विकास बैंक र फाइनान्स समुहका परिसुचक पनि सोही अनुपातमा घटेका छन् ।
मंगलबार नेप्से परिसुचक ओरालो लागेपनि कारोबार रकम ५३ करोड रुपैयाँ भन्दा माथी पुगेको छ । जसमा १ सय ६० कम्पनीको १० लाख ४७ हजार कित्ता सेयर खरिदबिक्री भए ।
