काठमाडौं । बिहीवार नेप्से परिसुचक ९ दशमलव २२ अंकले ओरालो लागेको छ । सो दिन सेयर बजार १ हजार ५ सय ४४ दशमलव ६८ अंकमा झरेर बजार बन्द भएको हो ।
बिहीवार बजारमा १ सय ३४ ओटा कम्पनी कारोवारमा आएका थिए । जसमध्ये शिखर इन्स्योरेन्स कम्पनीको सवैभन्दा बढी १६ करोड ५५ लाखको कारोवार भएको छ । त्यस्तै एभरेष्ट बैंक लिमिटेडको ३ करोड ६६ लाखको कारोवार भएको छ । सो दिन ७ लाख कित्ता सेयरबाट ६० करोड २५ लाखको कारोवार भएको छ ।
बिहीवार कारोवारमा आएका अधिकांश समुह ओरालो लागेको छ । सो दिन बीमा समुह सवैभन्दा बढी ४५ दशमलव १७ अंकले घटेको छ ।
त्यस्तै जलविद्युत २६ दशमलव ७५,बैंकिङ ९ दशमलव ३२,अन्य ६ दशमलव ९४, विकास बैंक ५ दशमलव २३ र होटल समुह २ दशमलव ५८ अंकले ओरालो लागेको छ । यता फाइनान्स समुह भने ० दशमलव ७ अंकले उकालो लागेको छ ।
