काठमाडौं । साझा यातायातलाई विद्युतीय बस खरिदका लागि ३ नम्बर प्रदेशले ३० करोड रुपैयाँ उपलब्ध गराएको छ । साझा सहकारीद्वारा संचालित साझा यातायातसँगको सहकार्यमा विद्युतीय बस संचालनका लागि ३ नम्बर प्रदेश सरकारले उक्त रकम प्रदान गरेको हो ।
साझा यातायातमा ३ नम्बर प्रदेश सरकारले उक्त रकम सेयर पूँजीको रुपमा हालेको हो । सो रकम बराबरको चेक ३ नम्बर प्रदेशका आर्थिक मामिला तथा योजना मन्त्री कैलासप्रसाद ढुङेलले कनकमणि दिक्षितलाई हस्तान्तरण गरेका हुन् ।
यसैगरी साझामा ललितपुर महानगरले पनि २ करोड ५० लाख रुपैयाँ लगानी गरेको छ । ललितपुर महानगरले पनि विद्युतीय बस संचालनका लागि उक्त रकम दिएको हो । यस अघि काठमाडौ महानगरले साझामा लगानी गरिसकेको छ
