काठमाडौं । नेपालले हवाई सुरक्षामा सुधार गरे बापत अन्तरराष्ट्रिय नागरिक उड्यन संगठन (आईकाओ)ले प्रमाण पत्र प्रदान गरेको छ ।
नेपालले २०१७ मा हवाई सुरक्षाको मापदण्ड पुरा गरेकाले आईकाओले ‘आईकाओ सेफ्टी स्ट्याण्डट सर्टिफिकेट’ प्रदान गरेको हो ।
आईकाओले नेपाललाई झन्डै ४ वर्षपछि गम्भीर सुरक्षा चासोको सूचीबाट गत जुलाईमा हटाएको थियो ।
आईकाओको क्यानाडा महाशाखाले नेपाललाई ‘आईकाओ सेफ्टी स्ट्याण्डट सर्टिफिकेट’ प्रदान गर्नु नेपालको लागि खुसीको कुरा भएको मन्त्रालयले जानकारी दिएको छ ।
नेपाललाई गम्भीर सुरक्षा चासोबाट हटाइएको प्रमाणपत्र लिन संस्कृति पर्यटन तथा नागरिक उड्डयन मन्त्री रवीन्द्र अधिकारी क्यानाडा पुगेका थिए ।
