काठमाडौं । सोमबार मात्रै थप ७२ जनामा कोरोना संक्रमण पुष्टि भयो । जसमध्ये ३ जना काठमाडौंकै रहेको पुष्टि भएको छ । टोखा नगरपालिका र बुढानिलकण्ठ नगरपालिकाका २७, ४१ र ३७ बर्षिय पुरुषमा उक्त संक्रमण पुष्टि भएको हो । जसमध्ये एक जना पसल गर्ने व्यापारी, अर्का एकजना ज्योतिष र अर्का व्यक्ति बिरामी बोक्ने गाडीका चालक रहेको बुझिएको छ ।
जसमा काठमाडौंको टोखा नगरपालिका–३ र ६ मा २ जना बूढानिलकण्ठ नगरपालिका–३ मा एकजनामा कोरोना संक्रमण देखिएको थियो । यसका साथै सोमबार देखिएका अन्य संक्रमित कपिलवस्तु, बारा, रौतहट, सप्तरी, बर्दिया, दैलेखका छन् । ३ जनामा कोरोना संक्रमण देखिएपछि प्रहरीले ती क्षेत्रमा सुरक्षा सतर्कता बढाएको छ ।
