लगानी बोर्डले तयार गर्याे ११ खर्ब ८८ अर्बका १४ परियोजना, २०२० भित्रै ह्वासिनको उत्पादन बजारमा

IBN - Press Meet - Jan 3 2020

काठमाडौं । लगानी बोर्डले लगानी सम्मेलनमा शोकेश गरिएका ५० मध्ये १४ परियोजनाको संक्षिप्त सुचि तयार पारेको छ । बोर्डले विभिन्न १४ परियोजनाको ११ खर्ब ८८ अर्ब नेपाली रुपैयाँ बराबरको लगानीका आयोजनाको संक्षिप्त सुचि तयार पारेको हो ।

यीमध्ये लगानी बोर्डले ७५६ मेगावाटको तमोर जलाशययुक्त जलविद्युत परियोजनाको विस्तृत सम्भाव्यता अध्ययनका लागि कम्पनी समेत छनोट भईसकेको जानकारी दिएको छ । बोर्डले १० अर्ब ५४ करोड रुपैयाँ अनुमानित लागत भएको भेइकल म्यानुफ्याक्चरिङ् तथा एसेम्ब्लिङ प्लान्ट परियोजनाका लागि कोरियाको मोट्रेक्स कम्पनीसँग परियोजना लगानी सम्झौतामा प्रारम्भिक हस्ताक्षर गरिसकेको छ ।

Bajaj Pulsar Bizkhabar
Suzuki SPresso
Nepaltop Water Tank Sab Thik Thak Bizkhabar TWS

यस्तै प्रदेश १ को दमकमा करिब ६४ अर्ब ६१ करोड रुपैयाँ लागत रहेको चाईना नेपाल फ्रेन्डसिप पार्क निर्माणका लागि समेत समझदारी भएको छ । त्यस्तै, विराटनगर, वीरगंज र भैरहवामा निर्माण हुने करिब १३ अर्ब रुपैयाँ कुल लागतको मल्टीमोडल लजिस्टिक पार्कको विस्तृत सम्भाव्यता अध्ययनका लागि २

छुट्टाछुट्टै कम्पनीसँग समझदारी पत्रमा हस्ताक्षर भएको छ । यसैगरी, प्रस्ताव आह्वान नगरिएका परियोजनामा प्राप्त १५ प्रस्तावहरुमध्ये १० वटा परियोजनाहरु कार्यान्वयनको लागि अध्ययनको चरणमा रहेका छन् । यी परियोजनाहरु अघि बढेसँगै देशको उर्जा, उद्योग, यातायात तथा कृषि लगायतका क्षेत्रका पूर्वाधार विकासमा सहयोग पुग्ने बोर्डले जानकारी दिएको छ ।

यस्तै सम्मेलनकै क्रममा हस्ताक्षर तथा घोषणा भएका १६ वटा समझदारीहरु समेत कार्यान्वयन भइरहेको बोर्डका प्रमुख कार्यकारी अधिकृत महाप्रसाद अधिकारीले जानकारी दिएका छन । उनका अनुसार लगानी बोर्डले हाल करिब ५ सय ६५ अर्ब रुपैयाँ कुल परियोजना लागत भएका ९ वटा विभिन्न क्षेत्रका परियोजनाहरु कार्यान्वयन तथा सहजीकरण गरिरहेको छ ।

जसमध्ये करिब १ खर्ब ४ अर्ब रुपैयाँ लागतको अरुण(तेस्रो जलविद्युत परियोजनाले बाँध, विद्युतगृह तथा सुरुङ जस्ता महत्वपूर्ण संरचना निर्माणमा करिब एक तिहाई काम पूरा भईसकेको उनको भनाई छ ।

यस्तै २०१८ बाट व्यवसायिक उत्पादन थालेको होङ्सी सिमेन्ट प्रा.लि. ले दोस्रो चरणको उत्पादन योजनाका लागि आवश्यक तयारी सुरु गरिसकेको छ । यसै वर्ष शिलान्यास भएको ह्वासिन नारायणी सिमेन्ट उद्योगले २०२० को जूलाइभित्र आफ्नो उत्पादन थाल्ने लक्ष्यका साथ निर्माण कार्य अघि बढाईरहेको जानकारी दिएको छ । २०७५ चैत्रमा जारी सार्वजनिक(निजी साझेदारी तथा लगानी ऐनले लगानी बोर्डको कार्यक्षेत्र बढाउँनुका साथै थप जिम्मेवारी समेत प्रदान गरेको छ ।


फेसबूक कमेन्ट गर्नुहोस्

DMCA.com Protection Status