काठमाडौं । देशमा लगानी प्रवद्र्धन गर्न नेपाल उद्योग परिसंघ र नेपाल बैंकर्स संघबीच एक सम्झौता भएको छ । सोमबार एक कार्यक्रमका बीच निजी लगानी प्रर्वद्धनमार्फत आर्थिक विकासमा सहकार्य गर्न एक समझदारीपत्रमा हस्ताक्षर गरिएको हो ।
परिसंघमा आयोजित कार्यक्रममा परिसंघका अध्यक्ष सतिश कुमार मोर र बैंकर्स संघका अध्यक्ष ज्ञानेन्द्रप्रसाद ढुंगानाले समझदारी पत्रमा हस्ताक्षर गरेका हुन ।
हस्ताक्षर समारोहमा परिसंघका अध्यक्ष सतिशकुमार मोरले समग्र लगानीको वातावरण बनाउन उद्योगी तथा बैंकहरु एक अर्काका परिपूरक भएकाले यो समझदारी महत्वपूर्ण रहको बताए । बैंकर्स संघका अध्यक्ष ज्ञानेन्द्रप्रसाद ढुंगानाले बैंकिङ क्षेत्रमा आएका नयाँ नयाँ व्यवस्थालाई लगानीमैत्री बनाउन आपसी सहकार्यले अर्थ राख्ने बताए ।
