काठमाडौं । सरकारले १४ जिल्लामा भुकम्प पीडितलाई १ हजार ५ सय वटा ट्याक्सी बितरण गरेको छ । यातायात ब्यवस्था विभागले यही असार ७, ८ र ९ गते भुकम्प पीडितलाई नयाँ ट्याक्सीको नम्बर प्लेट बितरण गरेको हो ।
विभागले गोला प्रथाबाट ट्याक्सी बितरण गरेको थियो । १ हजार ५ सय ट्याक्सी बितरणका लागि १ लाख ५० हजार जनाको आवेदन परेपछि गोलाप्रथाबाट बितरण गरिएको हो । विभागका अनुसार सबैभन्दा बढी ट्याक्सी सिन्धुपाल्चोकको भुकम्प पीडितले पाएका छन् । सिन्धुपाल्चोकले २ सय ५३ वटा ट्याक्सी पाउँदा दोस्रोमा दोलखाले २ सय १४ वटा पाएको छ ।
यसैगरी काभ्रेपलाञ्चाकले २ सय १, रामेछापले १ सय ६५, नुवाकोटले १ सय २५ र सिन्धुलीका भुकम्प पीडितले ६४ वटा ट्याक्सी पाएको विभागले जानकारी दिएको छ ।
यसैगरी विभागले अन्तिम दिन शुक्रबार गोपाप्रथाबाट काठमाडौंलाई ९५, ललितपुर ७२, भक्तपुर ४३, मकवानपुर ३१, धादिङ १ सय १७, ओखलढुङगा ३०, गोरखा ७८ र रसुवाका भुकम्प पीडितलाई ३० वटा ट्याक्सी वितरण गरेको हो ।
हेर्नुहोस विस्तृतमा
सिन्धुपाल्चोक
