काठमाडौं । विदेशी पर्यटकले नेपालमा गर्ने खर्च भन्दा नेपालीले विदेशमा गएर गर्ने खर्चमा बृद्धि भएको नेपाल राष्ट्र बैंकको तथ्याङ्कमा उल्लेख छ ।
सन २०१९ को १० महिना सम्म आईपुग्दा विदेशी पर्यटकले नेपालमा ६३ अर्ब २७ करोड रुपैयाँ खर्च गरेका छन । भने सोही अवधिमा नेपालीले विदेशमा गएर गर्ने खर्च ७३ अर्ब ६५ करोड रुपैयाँ पुगेको छ ।
तथ्याङ अनुसार विदेशी पर्यटकले १० महिनाको अवधिमा नेपालमा गर्ने खर्च ६३ अर्ब २७ करोड रुपैयाँ रहेको छ । जुन गत बर्षको सोही अवधिमा ५७ अर्ब रुपैयाँ रहेको थियो । विदेशी पर्यटकले २०१७ को सोही अवधिमा भने ५० अर्ब रुपैयाँ मात्रै खर्च गरेका थिए ।
त्यस्तै नेपालीले विदेशमा गएर गर्ने खर्चमा समेत बृद्धि भएको छ । पछिल्लो तथ्याङ अनुसार आर्थिक वर्ष २०७५/७६ को १० महिनासम्म आई पुग्दा नेपालीले विदेशमा गएर गर्ने खर्च ७३ अर्ब ६५ करोड रुपैयाँ पुगेको छ ।
जुन गत आवको सोही अवधिमा ६४ अर्ब २१ करोड रुपैयाँ रहेको थियो । गत बर्षको तुलनामा यस बर्ष नेपालीले विदेशमा गर्ने खर्च ९ अर्ब रुपैयाँले बढी रहेको तथ्याङमा उल्लेख छ ।
अघिल्लो महिनाको तुलनामा यस महिना भने नेपालीले विदेशमा गर्ने खर्चमा ६ अर्ब रुपैयाँले बढी भएको तथ्याङमा उल्लेख छ । अघिल्लो महिना सम्म नेपालीले विदेशमा गएर गर्ने खर्च ६७ अर्ब ९३ करोड ५६ लाख रुपैयाँ मात्रै रहेको थियो ।
