नेपाल टेलिकमले आइतवारदेखि लागु हुने गरी आइभीआर १४१२ मार्फत सीआरविटी र सिएस सिस्टमबाट कम्पनीका विभिन्न सेवाहरुको महसुल भुक्तानी तथा रिचार्ज गर्न सकिने व्यवस्था गरेको छ ।
यस नयाँ व्यवस्था अनुसार इन्टरएक्टिभ भ्वाइस रेस्पोन्स १४१२ मार्फत थर्ड पार्टी रिचार्ज सर्भिस कम्पनीको विभिन्न सेवा उपलब्ध गराउने बताइएको छ ।
एनटी रिचार्ज कार्ड मार्फत पिएसटिएन महसुल भुक्तानी , एडिएसएल रिचार्ज, जि एस एम पोष्टपेड महसुल भुक्तानी, जिएसएम प्रिपेड टप अप, सिडिएमए प्रिपेड टप अप, सि डि एम ए पोष्टपेड महसुल भुक्तानी, वाइम्याक्स रिचार्ज गर्न मिल्ने टेलिकमकी प्रवक्ता प्रतिभा बैद्यले बताइन् ।
नमस्ते रिचार्ज कार्ड प्रयोग गरी १४१३ मार्फत पिएसटीएन सेवाको विल भुक्तानी, जि एस एम पोष्टपेड सेवाको रिचार्ज तथा बिल भुक्तानी र ए डि एस एल सेवाको महसुल भुक्तानी गर्ने सेवा यथावत रहेको जानकारी दिइएको छ ।
