काठमाडौं । कोरोना बढेसँगै काठमाडौँ उपत्यकामा पुस २८ गतेदेखि राजनीतिक दलका भेला तथा मेला महोत्सव गर्न रोक लगाइएको छ ।
उपत्यकाका ३ वटै जिल्लाका प्रमुख जिल्ला अधिकारीहरुको बैठकले मंगलबार मध्यरातदेखि लागू हुने गरी अर्को आदेश नआएसम्म सभा सम्मेलन र राजनीतिक भेला गर्न नदिने निर्णय गरेको हो ।
यदि यस्ता कार्यक्रम गर्नै परे प्रशासनको अनुमति लिनुपर्ने छ । यस्तै कार्यालय, होटल, रेष्टुरेन्ट, सिनेमा हल, रंगशाला, हवाइ पार्कमा प्रवेश गर्दा माघ ७ गतेदेखि अनिवार्य खोप कार्डको व्यवस्था गर्नुपर्ने आदेशमा उल्लेख छ ।
यसैगरी उक्त बैंठकले माघ १५ गतेसम्म भौतिक उपस्थितीमा पठनपाठनमा रोक लगाउने निर्णय पनि गरेको छ ।
![](https://fra1.digitaloceanspaces.com/appharuspace/bizkhabar/uploads/2022/01/corona_kathmandu.png)
![](https://fra1.digitaloceanspaces.com/appharuspace/bizkhabar/uploads/2022/01/corona_kathmandu1.png)