काठमाडौं । बिहीबार नेप्से परिसुचक १३ अंकले उकालो लागेको छ । सो दिन सेयर बजार १४ सय ९३ दशमलब २९ अंकमा पुगेर बन्द भएको हो ।
बिहीबार कारोबारमा आएकामध्ये अधिकांस समुहको परिसुचक उकालो लागेको छ । सो दिन जलविद्युत समुहको परिसुचक ४६ अंकले बढेको छ । त्यस्तै बीमा समुह २६ दशमलब ३१, माइक्रोफाइनान्स २४ दशमलब ३९,होटल २२ दशमलब ६५, विकास बैंक २२ र उत्पादन १५ दशमलब ५७ अंकले बढेको छ ।
त्यस्तै बैंकिङ १०,फाइनान्स ९ दशमलब ५५ र अन्य समुहको परिसुचक ४ दशमलब ९१ अंकले उकालो लागेको छ ।
सो दिन ट्रेडिङ समुहको परिसुचक भने ३ दशमलब ३७ अंकले घटेको छ ।
बिहीबार साना किसान बिकास बैंकको २१ करोड ९९ लाख रुपैयाँ बराबरको प्रमोटर सेयर किनबेच भएको छ । सो दिन १६५ ओटा कम्पनी कारोबारमा आएका थिए । १३ लाख ९१ हजार कित्ता सेयरबाट ६८ करोड ५७ लाख रुपैयाँ बराबरको कारोबार भएको छ ।
