काठमाडौं । हुन्डाई गाडीको आधिकारिक वितरक लक्ष्मी इन्टरकन्टिनेन्टलले विजेताको नाम घोषणा गरेको छ । कम्पनीले दशैं तिहारको उपलक्ष्यमा ल्याएको ‘हुन्डाई फेसटिभ डिलाइट २०७५’ अफर को विजेताहरुको नाम घोषणा गरेको हो ।

सो अफर अनुसार हरेक नँया हुन्डाई गाडीको खरिदमा ग्राहकहरुले आकर्षक नगद छुट र एक वर्षको निशुल्क बीमा साथै स्क्रयाच कार्ड मार्फत थप १ लाख सम्मको नगद छुट, लक्कि ड्र मार्पmत १ सय जना भाग्यमानी विजेताहरुलाई १०–१० ग्राम सुन र बम्पर लक्कि ड्रबाट २ जनालाई हुन्डाई आई २० एक्टिभ र हुन्डाई क्रेटा जित्ने अवसर पाएका थिए ।

अफरको विजेताको घोषणा पछि विजेताहरुको नाम हुण्डाईनेपालको फेसबुक पेजमा सार्वजनिक गरेको कम्पनीले जानकारी दिएको छ ।

अफरको पहिलो बम्पर लक्की ड्रमा हाउजिङ्ग एण्ड इन्स्योरेन्स डिपार्टमेन्ट, वेलफेयर प्लानिङ्ग डिरेक्टोरेट भावना केसीले हुन्डाई आई २० एक्टिब जित्न सफल भएको छ । त्यस्तै दोस्रो बम्पर उपहार बद्री कुमार खड्काले हुन्डाई क्रेटा हात पारेको कम्पनीले जानकारी दिएको छ ।