काठमाडौं । प्रतिनिधिसभा र प्रदेशसभा चुनावताका सवारी चालक अनुमतिपत्र (लाइसेन्स)को अनलाइन आवेदन दिन बन्द गरिने भएको छ । यातायात व्यवस्था विभागले सुक्रबार एक सूचना जारी गर्दै यस्तो जानकारी दिएको हो ।
विभाग तथा कार्यालयका प्राय कर्मचारीहरु निर्वाचनमा खटिनुपर्ने भएकाले मंसिर १ गतेदेखि लाइसेन्सको अनलाइन आवेदन प्रणाली बन्द गरिने विभागको सूचनामा उल्लेख छ ।
अनलाइन आवेदनको प्रक्रिया अर्काे सूचना जारी नभएसम्मका लागि नखुल्नेसमेत विभागले सूचनामार्फत जानकारी दिएको छ ।
